سرگئی لاوروف، وزیر امور خارجه روسیه از آمادگی‌ها برای ساخت و ساز یک پایگاه مرزی عصری در سرحد تاجیکستان با افغانستان خبر می‌دهد.
لاوروف گفته است، کشورش و تاجیکستان به زودی توافقنامۀ را در این مورد امضاء خواهند کرد.
او پس از گفتگو با سراج الدین مهرالدین همتای تاجیکستانی‌اش امروز چهارشنبه در شهر دوشنبه به خبرنگاران گفت: "ما امروز در مورد اقدامات تقویت سرحد تاجیکستان و افغانستان در چهارچوب فعالیت‌های سازمان امنیت جمعی بطور دو جانبه بحث کردیم. نیروهای روسیه در تمرینات منظم ضد تروریزم شرکت می‌کنند. در آینده نزدیک انتظار داریم که یک توافقنامه بین دولت‌ها امضا شود و بر اساس آن ما در ایجاد یک پایگاه عصری در یکی از بخش‌های سرحد تاجیکستان با افغانستان، کمک مالی خواهیم کرد."
در حال حاضر حدود هفت هزار سرباز روسی در سه پایگاه در تاجیکستان مستقر اند.