وزارت اطلاعات و فرهنگ افغانستان مرگ عبدالله مقری هنرمند شناخته شدهٔ افغان را یک ضایعه هنری خوانده.
مقری به بیماری کووید-۱۹ مبتلا بود و در نتیجه این بیماری در یکی از شفاخانه‌های شهر کابل جان داد.
صابر مهمند سخنگوی این وزارت گفت: "مرگ مقری را برای خانواده و همه دوستدارانش تسلیت می‌گویم."
مقری صدها آهنگ رزمی و ملی سروده و هنر وی دوستدارن زیادی دارد.
اخیرا شمار قربانیان ویروس کرونا در افغانستان به طور روز افزون روبه افزایش بوده و به گفتهٔ وزارت صحت عامهٔ افغانستان موج سوم این ویروس سراسر کشور را فرا گرفته.