مشاور امنیت ملی افغانستان می‌گوید که کشورهای آسیای میانه از وضعیت امنیتی در افغانستان نگران هستند.
حمدالله محب امروز سه‌شنبه (۱۵ سرطان) در کابل اطلاعاتی را در مورد وضعیت امنیتی فعلی افغانستان با رسانه‌ها شریک ساخت و به استقرار ۲۰ هزار عسکر تاجیکستان در امتداد سرحد با افغانستان اشاره کرد: "تاجیکستان به دلیل آنچه که این روزها در بدخشان و شیرخان بندر اتفاق افتاده بسیار نگران است. طبیعی است که آنها برای تامین امنیت برخی اقدامات را انجام می‌دهند."
امام علی رحمان، رئیس جمهوری تاجیکستان برای تأمین امنیت، دستور استقرار ۲۰ هزار عسکر را در امتداد سرحد با افغانستان صادر کرده است. به تازگی صدها عسکر افغان از مناطق مرزی به خاک تاجیکستان رفته اند
آقای محب بار دیگر تأکید کرد که نیروی هوایی هلیکوپتر‌های جدید دریافت و به زودی وضعیت تغییر خواهد کرد.