در دومین روز نشست وزیران خارجه کشورهای عضو سازمان همکاری شانگهای، آنها امروز خواستار پایان خشونت‌ها در افغانستان شدند.
به گزارش خبرگزاری رویترز، آنان از حکومت افغانستان خواستند که موضعش را به خاطر ثبات در این کشور قوی‌تر سازد.
محمد حنیف اتمر وزیر خارجه افغانستان از اشتراک کنندگان این نشست در دوشنبه، پایتخت تاجیکستان است.
افغانستان، ایران، بلاروس و منگولیا، نقش ناظر را در سازمان همکاری شانگهای دارند.
چین، هند، روسیه، تاجیکستان، پاکستان، قرغیزستان، ازبیکستان و قزاقستان اعضای دایمی سازمان اند.
به دنبال افزایش خشونت‌ها در افغانستان، برخی از کشورهای منطقه بشمول تاجیکستان اخیراً به خاطر وضعیت امنیتی افغانستان ابراز نگرانی کرده اند.
امام علی رحمان، رئیس جمهوری تاجیکستان هفته گذشته اعلام کرد که در پاسخ به حمله‌های طالبان بیست هزار سرباز اضافی در مرز کشورش مستقر می‌شوند.