خبرگزاری تاس روسیه گزارش می‌دهد که وزرای دفاع روسیه و تاجیکستان در باره اقدامات مشترکی صحبت کرده اند که به گفته آنها هدف از آن جلوگیری از تهدیدهای طالبان در سرحدات افغانستان و تاجیکستان می‌باشد.
تاس از قول منابع وزارت دفاع روسیه نوشته است سرگی شویگو و شیرعلی میرزا دیروز شنبه در مورد تدابیر مشترک در رابطه با تهدیدهای احتمالی امنیتی و وضیعت کنونی افغانستان صحبت کردند.
در حالی که با نزدیک شدن مهلت خروج تمام قوای بین‌المللی از افغانستان وضیعت امنیتی در این کشور هرروز بدتر می‌شود، روسیه روز جمعه تعهد نمود، به تاجیکستان کمک می‌کند تا یک قرارگاه نظامی دیگر را در سرحدات با افغانستان ایجاد کند.
روسیه و تاجیکستان در نظر دارند که در ماه آینده میلادی یک تطبیقات نظامی مشترک را هم در امتداد سرحدات مشترک با افغانستان انجام بدهند.