روسیه تطبیقات نظامی مشترک با تاجیکستان و اوزیبکستان را در امتداد سرحدات با افغانستان به پایان رساند.
این تطبیقات بعد از آن صورت گرفت که طالبان بعضی ولایت‌ها را در شمال افغانستان تصرف کردند.
این تمرینات که در ۲۰ کیلومتری سرحد تاجیکستان برگزار شد، هفته گذشته آغاز و دیروز دهم اگست به پایان رسید. در این تمرینات دو نیم هزار سرباز روسیه، تاجیکستان و اوزبیکستان سهم داشتند.
وزارت دفاع روسیه می‌گوید که در این تطبیقات نظامی تانک‌ها، زره پوش‌ها، طیاره‌های جت جنگی سو-۲۵، هلیکوپترها و دیگر سلاح‌ها بکار برده شدند تا سربازان‌شان در برابر حمله‌های حتمالی از خاک افغانستان آماده باشند.