عمران خان صدراعظم پاکستان می گوید که گفتگو را با طالبان در مورد یک حکومت همه شمول در افغانستان که در آن تاجیک‌ها ، هزاره‌ها و ازبیک‌ها حضور داشته باشند آغاز کرده است.
عمران خان در حساب رسمی تویترش امروز نوشت که این گفتگو را به دنبال دیدارش با رهبران کشورهای همسایۀ افغانستان و بحث مفصل با امام علی رحمان رئیس جمهور تاجیکستان آغاز کرده.
وی افزوده است که همه شمول بودن پس از جنگ چهل ساله در افغانستان به صلح و ثبات در افغانستان چیزیکه به گفته او به نفع منطقه نیز است کمک می‌کند.
صدراعظم پاکستان دیروز در حاشیۀ اجلاس رهبران کشورهای عضو سازمان همکاری شانگهای در دوشنبه با رئیس جمهور تاجیکستان دیدار کرد.
طالبان پیش از اعلام کابینۀ سرپرست در هفتم ماه سپتمبر، وعدۀ تشکیل حکومت فراگیر داده بودند.