قزاقستان وعده داده است که پنج هزار تُن آرد به افغانستان کمک می‌کند.
حکومت طالبان می‌گوید، نماینده خاص رییس جمهور قزاقستان در دیدار با ملا عبدالغنی برادر٬ معاون رییس‌الوزرای افغانستان ضمن صحبت روی مسایل سیاسی مختلف و همکاری‌های دوجانبه، وعده سپرده است که پنج هزار تُن آرد به افغانستان کمک خواهند کرد.
از سوی دیگر، وزارت خارجه حکومت طالبان نیز گفته است، مقام‌های قزاقی در دیدار با امیر خان متقی٬ سرپرست این وزرات گفته اند که با افغانستان در آینده در بخش‌های اقتصادی کمک و همکاری خواهند کرد.