حدود ۲۰۰ هزار معلم افغان برای نجات از بحران بشری در افغانستان طی یک نامه از نهادهای داخلی و بین‌المللی خواهان کمک مالی شده اند.
معلمان در این نامه از حکومت طالبان و نهاد های جهانی خواسته در شرایط دشوار کنونی معاش آنها را بپردازند.
در نامه گفته شده مقام‌ها برای جلوگیری از سقوط نظام تعلیمی گام‌های مطمین و جدی بردارند.
تعدادی از این معلمان می‌گویند، قدرت پرداخت کرایه خانهٔ شان را ندارند و این معلمان به خاطر نداشتن پول کرایه موتر پیاده مکتب می‌روند.
این در حالیست که وزارت مالیه طالبان دیروز اعلام کرد که معاش سه ماهه همه کارمندان دولت را می‌پردازد.