ولادیمیر پوتین رئیس جمهور روسیه از وضعیت امنیتی در مرز افغانستان و تاجیکستان ابراز نگرانی کرده است.
پوتین دیروز (۶ جدی) در حالی در این مورد ابراز نگرانی کرد که روسیه از پایان یافتن مرحله اول مجهز سازی نیرو‌های تاجیکستان خبر داده.
خبرگزاری ایترتاس به نقل از ایگور لیاکین فرالوف سفیر روسیه در دوشنبه گزارش داده که گفته است، وسایط زرهی، اسلحه تهاجمی و یک دستگاه راکت اس ۳۰۰ در تاجیکستان مستقر شده اند.
او افزوده که روسیه و تاجیکستان با دقت اوضاع افغانستان را تحت نظر دارند.
ورود احتمالی شورشیان بنیادگرا از افغانستان به تاجیکستان و جمهوری‌های اتحاد شوروی پیشین، از نگرانی‌های اصلی برای مسکو دانسته می‌شود.
روسیه در همین ماه اعلام کرده بود که پایگاه‌های نظامی‌اش در تاجیکستان را با ۳۰ تانک جدید مجهز می‌سازد.