به اساس برخی از گزارش‌ها، گروه تندرو دولت اسلامی معروف به داعش ادعا کرده که جنگجویانش دیروز از خاک افغانستان به سمت تاجیکستان راکت پرتاب کردند.
اما تاجیکستان در بیانیۀ گفته که راکت نه بلکه چند مرمی در جریان درگیری میان نیروهای طالبان و جنگجویان داعش به گونه تصادفی به سمت تاجیکستان شلیک شده است.
اما گروه SITE Intel که فعالیت آنلاین سازمان های جهادگرا را رصد می‌کند و نیز خبرگزاری اسلامی افغان امروز یکشنبه گزارش دادند که جنگجویان داعش دیروز از منطقه خواجه غار تخار بر اهداف نامعلوم در تاجیکستان راکت پراگنی کرده اند.
خبرگزاری اسلامی افغان گفته که داعش ادعا کرده که هفت راکت به سمت تاجیکستان شلیک کرده.
منابع نزدیک به نیروهای امنیتی تاجیکستان به بخش تاجیکستان رادیو آزادی گفته اند که گزارشی در مورد شلیک از خاک افغانستان موجود نیست.