قرغیزستان: ۳۶ تن در امتداد مرز با تاجیکستان کشته شده اند

مقام‌های قرغیزستان می‌گویند که شمار تلفات پس از دو روز درگیری در امتداد مرز با تاجیکستان به ۳۶ تن رسیده است.

این در حالی است که آتش‌بس در میان تیراندازی و آتش‌باری پراگنده پابرجا است.

وزارت صحت قرغیرستان امروز یکشنبه گفت که بیش از ۱۲ جسد دیگر در منطقۀ بادکین یافت شدند.

تاجیکستان ارقام تلفات را رسماً اعلام نکرده اما مقام هایی که از آنها نام گرفته نشده به بخش تاجیکستان رادیو آزادی گفتند که دست کم ۳۹ شهروند آن کشور در نتیجۀ درگیری مرزی کشته شده اند.

دو طرف یک دیگر را به آغاز درگیری متهم کرده اند.