تاجیکستان: مدرسه های جهادی در ولایات شمال افغانستان گشایش یافته اند

رمضان رحیمزاده وزیر داخله تاجیکستان، از آنچه شکل گیری دو باره گروه‌های تروریستی در شمال و شمالشرق افغانستان خوانده، ابراز نگرانی کرده است.

خبرگزاری تاس گزارش می‌دهد که رحیمزاده دیروز (۲۷ میزان) در نشست همکاری منطقه‌یی و جهانی برای مبارزه با تروریزم در دوشنبه گفت که در این اواخر در ولایت‌های شمالی افغانستان که هم مرز با تاجیکستان استند، مدرسه‌های جهادی گشایش یافته اند.

به گفتۀ وزیر داخله تاجیکستان، گروه‌های تروریستی از جنوب و شرق افغانستان، در شمال این کشور جابجا می‌شوند.

تا اکنون مقام‌های طالبان در مورد این نگرانی‌ها واکنش نشان نداده اند اما در گذشته تاکید کرده بودند که به هیچ کس اجازه نمی‌دهند تا از خاک افغانستان برای حمله بر کشور دیگری استفاده کند.