محکمۀ در شهر دوشنبه، پایتخت تاجکستان اوراز وزیربیکوف، یکی از فعالان این کشور را در پنجم ماه نومبر به ۱۶ سال زندان محکوم کرد.
او به افراطیت متهم است و این‌که از راه رسانه‌های اجتماعی خواسته است تا نظم قانون اساسی به هم زده شود.
وزیربیکوف این اتهام‌ها را رد کرده‌است.
او یکی از دو فعال تاجکستان است که در مسکو زنده‌گی می‌کردند و به زور در ماه جولای به تاجکستان منتقل شدند، درست زمانی‌که مقامات تاجکستان فعالان از منطقۀ خودمختار گورنو-بدخشان را سرکوب می‌کردند.