سازمان جهانی صحت می‌گوید که مشغول کمک رسانی صحی و حمایت‌های حیاتی برای آسیب دیده‌های زلزله اخیر در غرب افغانستان است.
این نهاد در شبکه ایکس امروز (۸ اکتوبر) نوشت که گروه‌های اضطراری امدادرسانی امروز یکشنبه به هرات رسیدند تا به آسیب دیده‌های جانی و روانی کمک کنند.
همزمان با این یان ایگلند رئیس شورای مهاجرت ناروی امروز یکشنبه در شبکه ایکس گفت که گروه‌های این سازمان در غرب افغانستان، مشغول اند تا در همکاری با سایر موسسه‌های غیر دولتی، کمک‌های فوری به آسیب پذیر‌ترین مناطق رسانده شود.
در این میان شمار زیادی از باشنده‌های ولایت هرات می‌گویند که برای‌شان کمک‌های فوری نرسیده است.
همزمان شماری از باشنده‌ها و تاجران هرات، ابراز آمادگی کرده اند که در فراهم کردن کمک‌ها به باشنده‌های این ولایت هر گونه همکاری می‌کنند.
