این بازار که در قلمرو تاجیکستان قرار دارد، پس از شیوع ویروس کرونا و برگشت طالبان به قدرت، تعطیل شده بود.
خبرگزاری فرانسه امروز چهارشنبه ( ۲۲ می ) گزارش داد که حکومت طالبان در فهرست تروریستی حکومت تاجیکستان قرار دارد اما این بازار مشترک به افغان‌ها فرصت خواهد داد که از مرز تاجیکستان خریداری کنند.
این بازار در روستای کلی خمب در منطقه بدخشان کوهی تاجیکستان موقعیت دارد که شش ساعت در موتر تا شهر دوشنبه مرکز تاجیکستان فاصله دارد.
حاجی قاسم شصت ساله باشنده بدخشان افغانستان به خبرگزاری فرانسه گفته که از شنبه بازار، لباس، شیرینی، چای و مواد ساختمانی خریداری می کند.
افغانستان و تاجیکستان ۱۳۵۰ کیلومتر مرز مشترک دارند و مقام های تاجیکستان به تکرار از تهدیدات احتمالی از خاک افغانستان ابراز نگرانی کرده‌اند.