حکومت طالبان یک‌بار دیگر تأکید کرده است که روز دوشنبه، اولین روز عید قربان است.
ذبیح‌الله مجاهد، سخنگوی حکومت طالبان، ناوقت دیروز در صفحه ایکس (توییتر سابق) خود نوشته است که طبق اعلام ستره محکمه، دوشنبه روز اول عید قربان در افغانستان خواهد بود.
وی گفت: "یک‌بار دیگر یادآوری می‌کنیم که امروز شنبه روز عرفه نیست، بلکه فردا یکشنبه روز عرفه و دوشنبه روز اول عید قربان است."
وی تأکید کرده است که همین حکم شرعی است.
حکومت طالبان در حالی دوشنبه آینده را روز اول عید قربان در افغانستان اعلام کرده است که عربستان سعودی فردا یکشنبه را روز اول عید قربان اعلام کرده و صدها هزار زائر امروز در تپه عرفات تجمع کرده، دعا می‌کنند و نماز می‌خوانند.
به گفتهٔ مقامات، حدود ۳۰۰۰۰ زائر افغان در مراسم حج امسال شرکت کرده‌اند.