سرپرست وزارت صنعت و تجارت حکومت طالبان در دیدار با معاون نخست وزیر اوزبیکستان روی ایجاد «خانه تجارت» میان دو کشور توافق کردند.
به گزارش خبرگزاری باختر تحت کنترل طالبان، نورالدین عزیزی سرپرست وزارت صنعت و تجارت طالبان در دیدار با جمشید خواجه‌یف معاون نخست وزیر اوزبیکستان در مورد مسایل تجارتی، ترانزیتی، خط آهن افغانستان و همکاری در انتقال برق از سرخان اوزبیکستان تا شهر پلخمری گفت‌وگو کردند.
عزیزی و هیئت همراهش روز سه‌شنبه (۲ جولای) وارد تاشکند شدند.
در نزدیک به سه سال گذشته که طالبان دوباره در افغانستان حاکم شده‌اند، اوزبیکستان با حاکمان فعلی این کشور روابط نزدیکی کسب کرده است.
اما به شمول اوزبیکستان، هیچ کشوری تا اکنون حاضر نشده است حکومت سرپرست طالبان را به رسمیت بشناسد.