بورد کریکت افغانستان فهرست بازیکنان و تیم‌های دور نهم «بازی‌های شپگیزه» را اعلان کرد.
در فهرست تیم‌های اعلان شده نام‌های برخی بازیکنان مشهور از جمله راشد خان، رحمن‌الله گربز، نوین‌الحق، عظمت‌الله عمرزی و ابراهیم زدران نیز شامل اند.
انتظار می‌رود که لیگ تجارتی بیست آورۀ کریکت افغانستان به نام «شپگیزه» به تاریخ دوازدهم ماه جاری (آگست) آغاز شود و تا ۲۵ همین ماه ادامه یابد.
مسابقات شپگیزه معمولاً در ستدیوم بین‌المللی کابل برگزار می‌شود.
در این دور شپگیزه، تیم‌های پلنگان سپین‌غر به رهبری راشد، بند امیر به رهبری حشمت‌الله شهیدی، عینک به رهبری ابراهیم زدران، نگهبانان بست به رهبری رحمت شاه و نهنگان آمو به رهبری عظمت‌الله عمرزی با هم بازی خواهند کرد.