در انفجاری بر کاروان شماری از سفیران در پاکستان یک پولیس پاکستانی کشته و ۴ تن دیگر زخمی شدند.
مقام‌های پاکستانی گفته‌اند که به دیپلوماتان خارجی هیچ زیانی نرسیده است.
حملۀ انفجاری در درۀ سوات، خیبرپختونخواه صورت گرفته است.
پولیس پاکستان به رادیو مشال، بخش پاکستان رادیو آزادی، گفته است قرار بود که سفیران ۱۲ کشور پس از نشست اتاق تجارت سوات به چکر بروند، موتر پولیس که آنان را همراهی می‌کرد، هدف حملۀ انفجاری قرار گرفت.
مقام‌های پاکستانی گفته‌اند که سفیران روسیه، ایران، قزاقستان، ترکمنستان، تاجیکستان، اتیوپیا، اندونیزیا، پرتگال، بوسنیا، زیمبابوی، ویتنام و رواندا شامل این کاروان بودند.
وزارت خارجۀ پاکستان گفته است که این سفیران تا پایان روز یک‌شنبه به‌گونۀ مصئون به اسلام‌آباد رسیدند.