محمدباقر قالیباف، رئیس مجلس شورای اسلامی (پارلمان) ایران می‌گوید که در تاجیکستان در پیوند به امنیت و ثبات افغانستان صحبت کرده است.
قالیباف به روز جمعه در بازگشت از سفر رسمی دو روزۀ خود از تاجیکستان در تهران گفت که با مقام‌های کشور میزبان در بارۀ راه‌های جلوگیری از قاچاق مواد مخدر و سلاح از افغانستان بحث کرده اند.
در این نشست پارلمانی در تاجیکستان که به مناسبت سی ومین سالگرد تصویب قانون اساسی تاجیکستان برگزار شده بود، رهبران پارلمان‌های نزدیک به ۱۰ کشور شرکت کرده بودند.
رئیس مجلس شورای اسلامی ایران پنج‌شنبۀ گذشته با رستم امام علی، رئیس مجلس ملی تاجیکستان در شهر دوشنبه دیدار کرد.
قالیباف نگفت که در بحث‌های تاجیکستان تصمیماتی در بارۀ افغانستان گرفته شده است یا نه؟
در کنار تاجیکستان، ایران نیز بارها اتهام وارد کرده که مواد مخدر و سلاح از افغانستان قاچاق می‌شود، اتهامی که طالبان آن را نپذیرفته اند.