یک هیأت بلندپایه از تاجیکستان وارد کابل شده است.
به گزارش خبرگزاری باختر که تحت کنترل طالبان فعالیت می‌کند، این هیأت شامل مقام‌هایی از وزارت خارجه نهادهای امنیتی و چند ادارهٔ مهم دیگر تاجیکستان است.
باختر نوشته هدف سفر این هیأت گفت‌وگو دربارهٔ گسترش همکاری‌های اقتصادی، سیاسی و امنیتی میان دو طرف است.
قرار است اعضای هیأت در دیدار با مقام‌های طالبان، روی پروژه‌های مشترک، تعاملات منطقه‌ای و مسیرهای تازه همکاری بحث کنند.
تاجیکستان تاکنون روابط نزدیکی با طالبان نداشته؛ با این حال پیش از این والی بلخ حکومت طالبان نیز سفری به تاجکستان داشته است.