طالبان می‌گویند امیدوارند اسلام‌آباد به‌جای زور گفتگو را ترجیح دهد
امیرخان متقی وزیر خارجهٔ طالبان این موضوع را روز پنجشنبه در کابل هنگام دیدار با پیر البرت الساس شارژدافیر ناروی در وزارت خارجه مطرح کرد.
در اعلامیهٔ وزارت خارجهٔ طالبان آمده است که دو طرف دربارهٔ موضوعات سیاسی، اقتصادی و بشردوستانهٔ افغانستان و همچنین وضعیت افغانستان–پاکستان و منطقه گفتگو کردند.
به‌گفتهٔ این اعلامیه شارژدافیر ناروی نسبت به کشته‌شدن غیرنظامیان در جریان بمباران‌های اخیر در شرق افغانستان ابراز نگرانی کرده است.
طالبان می‌گویند دوشنبه‌شب هواپیماهای پاکستانی در ولایت‌های خوست، پکتیکا و کنر بمباران انجام دادند که دستکم ده غیرنظامی کشته شدند؛ اما پاکستان این حملات را رد کرده است.