حافظ ضیا احمد معاون سخنگوی وزارت خارجۀ طالبان در یک پیام ویدیویی که امروز(28 نوامبر) در شبکۀ اکس(تویتر سابق) منتشر کرده، گفته که براساس تحقیقات ابتدایی در این رویداد حلقاتی دست دارند که به گفتۀ او، می خواهند باعت بی ثباتی و بی اعتمادی در منطقه شوند.
حافظ ضیا احمد از تعهد حکومت طالبان در زمینۀ هرگونه همکاری تخنیکی و تبادل اطلاعاتی در پروسۀ تحقیقات این حادثه، اطمینان داده است.
سه شهروند چینی، روز چهارشنبه در ولسوالی شمس‌الدین شاهینِ ولایت ختلان تاجیکستان، کشته شدند.
وزارت خارجهٔ تاجیکستان روز پنجشنبه گفت که این کارگران توسط جنایتکارانی کشته شده اند، که از افغانستان آمده بودند. اما بعداً مقامات تاجیکستان گفتند که این افراد در نتیجهٔ حملهٔ یک طیارهٔ بی پیلوت کشته شده‌اند.