یک هیأت از سرمایهگذاران تاجیکستانی علاقهمندی خود را برای ساخت یک کارخانه تولید سمنت در افغانستان اعلام کرده است.
این هیأت روز جمعه ۲۱ قوس در دیدار با هدایتالله بدری، وزیر معادن و پترولیم حکومت طالبان، فرصتهای احتمالی سرمایهگذاری بهویژه در بخشهای معادن و صنایع را بررسی کرده است.
افغانستان در حال حاضر بخش بزرگی از برق خود را از تاجیکستان وارد میکند.
مقامهای طالبان تلاش دارند که برای کاهش وابستگی به پاکستان، روابط تجارتی با کشورهای منطقه به ویژه همسایهگان دیگر افغانستان را گسترش دهند که تاجیکستان نیز شامل آن است.
تاجیکستان و طالبان افغانستان درماههای اخیر در یک سری مذاکرات دیپلماتیک شرکت کردهاند تا تنشها را کاهش دهند.
با وجود آنکه در ماههای اخیر این روابط تا حدی بهبود یافته است، اما کشتهشدن پنج شهروند چینی در خاک تاجیکستان اخیراً باعث نگرانی مقامهای این کشور از احتمال سرایت تروریزم از افغانستان شده است.