مقامات امنیتی تاجیکستان از کشته شدن دو افغان خبر دادهاند که بهگفته آنان قصد داشتند مواد مخدر را به خاک این کشور قاچاق کنند.
تاکنون هیچ واکنشی از سوی مقامهای حکومت طالبان در این باره منتشر نشدهاست.
در بیانیهی که کمیته دولتی امنیت ملی تاجیکستان منتشر کرده، آمدهاست که این قاچاقبران باشندهگان ولسوالی امامصاحب ولایت کندز بودهاند و در جریان درگیری با مرزبانان تاجیک کشته شدهاند.
این درگیری در منطقه مرزی فتحآباد در ناحیه جیحون تاجیکستان رخ دادهاست.
در خبرنامه گفته شده که از محل رویداد یک میل "کلاشینکف"، یک میل "تفنگچه " و ۱۷ کیلوگرام چرس به دست آمده و ضبط شدهاست.
مقامهای تاجیکستان میگویند که در شش ماه نخست سال جاری، در جریان هفت درگیری مسلحانه با قاچاقبران از افغانستان، ۱۷ افغان کشته شده و ۶۰۱ کیلوگرام مواد مخدر ضبط شدهاست.
تاجیکستان که بیش از ۱۰۰۰ کیلومتر مرز مشترک با افغانستان دارد، یکی از مسیرهای اصلی انتقال مواد مخدر از افغانستان به کشورهای دیگر، بهویژه روسیه، به شمار میرود.