جرمنی گروه دیگری از افغان‌ها را به کابل اخراج کرد

وزارت داخلهٔ جرمنی می‌گوید که این کشور روز سه‌شنبه (۲۴ سنبله) ۱۳ مرد افغان را با یک پرواز چارتر به کابل اخراج کرده‌است.

رسانه‌های جرمنی از قول سخنگوی این وزارت گزارش دادند که این افراد در جرمنی سابقهٔ جرمی داشته اند.

جرایم آنان شامل جرایم جنسی، خشونت و قاچاق مواد مخدر بوده‌است.

وزارت داخلهٔ جرمنی می‌گوید از زمانی‌که دولت ائتلافی کنونی روی کار آمده، در مجموع ۲۶۳ شهروند افغان از جرمنی به افغانستان بازگردانده شده‌اند.

به‌گفتهٔ این وزارت، تقریباً همهٔ این افراد سابقهٔ جرمی داشته اند.

اخراج مهاجران افغان به افغانستان تحت حاکمیت طالبان همواره مورد انتقاد نهادها و فعالان حقوق مهاجرت بوده‌است.