پوتین پس از نشست سه‌جانبه با رهبران امریکا و چین وارد تاجیکستان شد

ولادیمیر پوتین، رئیس جمهور روسیه و امام علی رحمان، رئیس جمهور تاجیکستان

ولادیمیر پوتین، رئیس جمهور روسیه، پس از اشتراک در نشست سه‌جانبه با رؤسای جمهور امریکا و چین، شام جمعه وارد دوشنبه، پایتخت تاجیکستان شد و در میدان هوایی از سوی امام علی رحمان، رئیس جمهور این کشور، مورد استقبال قرار گرفت.

خبرگزاری انترفاکس گزارش داده که پوتین روز پنج‌شنبه گفته بود در دیدار با امام علی رحمان درباره همکاری‌های مسکو و دوشنبه در پیوند به افغانستان گفت‌وگو خواهد کرد.

رئیس جمهور روسیه همچنین گفته است که نتایج سفر اخیر الکسی اورچوک، معاون صدراعظم روسیه، به کابل را نیز با همتای تاجیک خود در میان خواهد گذاشت.

الکسی اورچوک در ۲۱ عقرب در رأس یک هیئت روسی به کابل سفر کرده بود.

حکومت طالبان اعلام کرد که در جریان این سفر، ۱۵ تفاهم‌نامه میان بخش‌های خصوصی افغانستان و روسیه به ارزش ۱۰۳ میلیون دالر امضا شده‌است.