Эълони натиҷаҳои ибтидоии интихоботи президентии Афғонистон
Кумисюни мустақили интихоботи Афғонистон натиҷаҳои ибтидоии интихоботи президентии ин кишварро эълон кард. Ҳаво Олам Нуристонӣ, раиси кумисюн, рӯзи 22-юми декабр дар Кобул гуфт, раиси ҷумҳур Ашраф Ғании ҳафтодсола бо беш аз 50 дарсади раъйи интихобкунандаҳо пирӯз шудааст. Доктор Абдулло Абдулло, рақиби деринаи Ашраф Ғанӣ ва раиси ҳукумати иҷроия, бо тақрибан 40 дарсади раъй дар ҷойи дувум аст. Гулбиддин Ҳикматёр ва Раҳматуллоҳ Набил, номзадҳои дигари интихоботи президентӣ дар Афғонистон дар ҷойгоҳи севуму чаҳорум қарор доранд.