تیم ملی کرکت افغانستان امروز دوشنبه (۲۲ جدی) تمرینات‌اش را در امارات متحده عربی آغاز کرد.
فرید هوتک سخنگوی کرکت بورد افغانستان به رادیو آزادی گفت، در آستانه رویارویی تیم ملی کرکت کشور با تیم ملی ایرلند، ملی‌پوشان افغان تمرینات‌شان را در امارات متحده عربی آغاز کردند.
آقای هوتک می‌گوید، قرار است تا ۱۱ روز دیگر سه بازی یک روزه میان تیم ملی کرکت افغانستان و ایرلند برگزار شود.
کرکت بورد کشور می‌گوید، محمد نبی از ستاره‌های تیم ملی که اکنون در لیگ استرالیا بازی می‌کند به زودی به این تمرینات می‌پیوندد.
بازی‌ها میان افغانستان و ایرلند در ورزشگاه کرکت شیخ زاهد در شهر ابوظبی برگزار می‌شود.