اتحادیه اروپا ۴۶۸ هزار دوز واکسین کرونا به افغانستان کمک کرد

وزارت صحت عامه افغانستان می‌گوید، همه واکسین‌های کمکی به کشور بر اساس پلان نخست به کارکنان صحی، نهاد های امنیتی و خبرنگاران تطبیق می‌شود.

دیروز هم با کمک مالی اتحادیه اروپا، بیش از ۴۶۰ هزار دوز واکسین به افغانستان تحویل داده شد.

میرویس علیزی معاون سخنگوی این وزارت شام دیروز (۱۸ حوت) به رادیو آزادی گفت: "در مرحلهٔ نخست ما ۵۰۰ هزار دوز واکسین کمکی هند را بدست آوردیم و امروز (دوشنبه) نیز کواوکس فایسیلتی ۴۶۸ هزار دوز واکسین را به وزارت صحت عامهٔ افغانستان تسلیم داد."

او گفت، اتحادیه اروپا این واکسین به ارزش یک میلیارد یورو را از طریق برنامه کواوکس به افغانستان کمک کرده است.