تحادیۀ اروپا می‌گوید، چین و روسیه درحالی که دربارۀ واکسین‌های غربی معلومات نادرست نشر می‌کنند، تلاش‌های مورد حمایت دولت برای ترویج واکسین‌های ساخت خود را شدت بخشیده‌اند.
گزارش دیروز (۲۸ اپریل) اتحادیۀ اروپا گفت، با چیزی که "دیپلوماسی واکسین" عنوان می‌شود تلاش می‌شود که به موسسه‌های اتحادیۀ اروپا، استراتیژی غربی برای واکسین ضد کرونا و واکسین‌های غربی صدمه رسانیده شود.
گزارش افزود که رسانه‌ها، مقام‌ها و شرکت‌های دولتی روسیه دست به هم داده، برای ترویج واکسین سپوتنیک وی تلاش می‌کنند و هم‌زمان پیام‌های خصومت‌آمیز می‌دهند که گویا غرب این واکسین را تخریب می‌کند.
در عین حال، چین واکسین خود را با این بهانه ترویج می‌کند که گویا برای کشورهای روبه انکشاف و کشورهای غرب بالکان بسیار مناسب می‌باشد و دربارۀ مصونیت واکسین‌های غربی و حتی نشئت ویروس کرونا معلومات کاذب نشر می‌کند.
هنگری که عضو اتحادیۀ اروپا است از صف جدا شده، واکسین ساخت چین و روسیه را تطبیق می‌کند و اتریش و جرمنی هم گفته اند که برای خریدن سپوتنیک وی با مسکو در گفتگو اند.