امام علی رحمان از "بی توجهی جهانیان" به افغانستان انتقاد کرد

امام علی رحمان رییس جمهور تاجیکستان در سخنرانی امروز (چهارشنبه) بر جامعۀ جهانی انتقاد کرد و گفت در حیرت است که چرا جهانیان در مورد آنچه در افغانستان میگذرد "خاموشی اختیار کرده اند". رحمان در مراسم تجلیل از ۳۰مین سالروز استقلال تاجیکستان همچنان گفت که وضعیت افغانستان بر کشور های آسیای مرکزی تاثیر منفی میگذارد. رییس جمهور تاجیکستان یک روز پس از اعلان کابینۀ سرپرست توسط طالبان، این سخنان را گفت. تا هنوز هیچ کشوری حکومت طالبان را به رسمیت نشناخته است.