نیرو های امنیتی تاجیکستان اوایل امروز هم به جستجوی معاون پیشین وزیر دفاع این کشور و طرفداران اش پرداختند.
این دو روز پس از درگیری های است که در داخل و اطراف شهر دوشنبه پایتخت تاجیکستان 22 تن به شمول 9 مامور پولیس و 13 تندرو مسلح کشته شدند.
تلاش برای گرفتاری عبدالعلیم نظرزاده سابق معاون وزیر دفاع تاجیکستان در یک منطقه کوهستانی در نزدیک دَره رامت متمرکز است.
این منطقه در فاصلۀ حدود 150 کیلو متری شرق دوشنبه موقعیت دارد.
وزارت داخله تاجیکستان می گوید که نظرزاده و طرفدارانش پس از انجام حملات روز جمعه بر یک دیپوی اسلحه و یک ماموریت پولیس به سویدره رامت فرار کرده اند.