ده‌ها معتاد مواد مخدر در ولایت‌های نیمروز و تخار جمع‌آوری و جهت تداوی به شفاخانه‌ها انتقال داده شدند.
ریاست کاهش تقاضا به مواد مخدر وزارت صحت عامه می‌گوید، کارمندان صحی این ریاست به همکاری پولیس ۱۰۰ معتاد مواد مخدر را از شهر زرنج ولایت نیمروز و ۲۹ معتاد مواد مخدر را نیز از تالقان مرکز ولایت تخار جمع‌آوری و جهت تداوی به مراکز ترک اعتیاد انتقال دادند.
در جریان جمع‌آوری معتادان، تعدادی از فروشندگان مواد مخدر نیز در این دو ولایت دستگیر شدند.