یک قانون‌دان سی ساله تاجیک بعد از آنکه نیت خود را برای نامزدی در انتخابات ریاست جمهوری تاجیکستان اعلام کرد، از سوی مامورین امنیتی بازپرسی شد.
انتخابات ریاست جمهوری تاجیکستان ۱۱ سپتمبر برگزار می‌شود. چندین مامور اداره محلی کمیته امنیت دولتی تاجیکستان دیروز به خانه فراموز ایرگاشیف در شهر شرقی خاروغ رفته اند و او را برای یک گردش طولانی باخود برده اند.
دراین مورد خانواده ایرگاشیف خبر داده است. ایرگاشیف که عضو شورای ولایتی بدخشان تاجیکستان است، روز سوم سپتمبر یک ویدیو را در رسانه‌های اجتماعی نشر کرده و نیت خود را برای نامزدی در انتخابات اعلام کرد.
حزب حاکم دموکراتیک خلق تاجیکستان رئیس جمهور فعلی امام‌علی رحمان را از جانب خود نامزد کرده است. امام‌علی رحمان از سال ۱۹۹۲ به این سو قدرت را در این جمهوری شوروی سابق در دست دارد و این بار هم اکثریت مردم به این باور اند که او برنده اعلام خواهد شد.
پنج انتخاباتی که آقای رحمان در آن برنده اعلام شده، از دیدگاه غرب هیچ یک عادلانه و شفاف نبوده است.