امام علی رحمان رئیس جمهور تاجکستان گفته که کشورش از مذاکرات بین افغانان در دوحۀ قطر استقبال می‌کند.
آقای رحمان این را در دیدار امروزش با زلمی خلیلزاد نمایندۀ خاص امریکا برای صلح افغانستان در دوشنبه پایتخت تاجکستان گفت.
بخش تاجکستان رادیو آزادی می‌گوید که رحمان از موقف حکومت افغانستان در برقراری صلح در این کشور حمایت می‌کند.
در ضمن، رحمان از همکاری با مقام‌های افغان در بخش مبارزۀ مشترک با مواد مخدر، تروریزم و افراطگرایی سخن گفته.
همزمان، خلیلزاد با سید مومن یتیموف رئیس کمیتۀ دولتی امنیت ملی تاجکستان هم دیدار کرده.
این کمیته امنیت مرزها را تحت نظر دارد.