محمد اشرف غنی رئیس جمهور افغانستان گفته که عبدالله مقری با آواز طنین انداز و شرین خود مردم را به وطن‌دوستی، آبادی و زندگی صلح آمیز تشویق می‌کرد.
ارگ ریاست جمهوری این را در اعلامیه به نقل از رئیس جمهور غنی گفته است:
مقری به بیماری کووید -۱۹ مبتلا بود و در نتیجه این بیماری در یکی از شفاخانه‌های شهر کابل جان داد.
ضمنا، صابر مهمند سخنگوی وزارت اطلاعات و فرهنگ افغانستان مرگ عبدالله مقری هنرمند شناخته شدهٔ افغان را یک ضایعه هنری خوانده گفت: "مرگ مقری را برای خانواده و همه دوستدارانش تسلیت می‌گویم."
مقری صد ها آهنگ رزمی و ملی سروده و هنر وی دوستدارن زیادی دارد.
اخیرا شماری قربانیان ویروس کرونا در افغانستان به‌طور روزافزون روبه افزایش بوده و به گفتهٔ وزارت صحت عامهٔ افغانستان موج سوم این ویروس سراسر کشور را فرا گرفته.