جشنواره صنعتی، فرهنگی و غذاهای ملی کشورهای عضو سازمان همکاری‌های شانگهای در شهر دوشنبه، پایتخت تاجیکستان، برگزار شد.
فواد احمدی، سخنگوی وزارت صنعت و تجارت افغانستان به رادیو آزادی گفت که این جشنواره با نمایش صنایع دستی و غذاهای محلی کشورهای افغانستان، تاجیکستان، هندوستان، اوزبیکستان، پاکستان و فلسطین روز شنبه (۱۷ جولای) برگزار شد.
به گفته او، این جشنواره که با همکاری دفتر اتشه تجاری وزارت صنعت و تجارت و سفارت افغانستان برگزار شد، صنایع دستی زنان و هنر نقاشی افغانستان با استقبال بازدیدکنندگان روبه‌رو شد و بیش‌ترین فروش را داشت.