فرار نیروهای هوایی افغانستان به ازبیکستان

صدها نیروی نظامی هوایی افغانستان با تجهیزات شان خود را به کشورهای تاجیکستان و ازبیکستان رسانیده اند.

دفتر لوی سارنوالی ازبیکستان در یک اعلامیه گفته که ۲۲ طیاره نظامی و ۲۴ هلیکوپتر نظامی به روزهای شنبه و یکشنبه به میدان هوایی ترمز ازبیکستان نشست اضطراری کرده است.

تاجیکستان هم به روز دوشنبه گفت که دو طیاره ای که بیش از صد تن سرنشین را انتقال می‌داد به شهر باختر این کشور نشست کرده است.