مقامات محلی حکومت طالبان در ولایت خوست، ده تن، بشمول یک زن، را به اتهام «زنا، لواطت، فرار از منزل و روابط نامشروع» در محضر عام مجازات کردند.
بر اساس حکم محکمهٔ ابتدایی ولسوالی صبری ولایت خوست، ۶ تن این افراد، هر یک به ۲ سال حبس و ۳۹ ضربهٔ شلاق، ۳ تن، هر یک تا ۳ سال حبس و ۳۰ تا ۳۹ دره و ۱ تن هم به ۱ سال حبس و ۳۹ ضربهٔ شلاق محکوم شدند.
ستره‌محکمهٔ حکومت طالبان می‌گوید که مجازات بر این افراد، روز چهارشنبه، ۳ ماه دلو، پس از تأیید این محکمه، تطبیق شد.
گروه‌ها و نهادهای حقوق بشر از طالبان به دلیل عدم رعایت حقوق بشری انتقاد کرده و می‌گویند که روند محاکمهٔ متهمان در محاکم آن‌ها شفاف نیست.