امارات متحدهٔ عرب وعده داده است که با مهاجران افغان بازگشته به افغانستان کمک خواهد کرد.
محمد خلفان، نمایندهٔ ویژهٔ امارات متحدهٔ عرب برای افغانستان شنبه ۱۶ ماه حمل در کابل هنگام دیدار با عبدالسلام حنفی معاون ریاست‌الوزرای حکومت طالبان، از آمادگی کشورش برای کمک به مهاجران افغان که به افغانستان بازمی‌گردند، گفت‌وگو کرده، اما جزئیات بیش‌تر ارائه نکرد.
اسلام‌آباد اعلام کرده است اگر مهاجران افغانستان فاقد کارت شهروندی این کشور، ای‌سی‌سی و مدارک قانونی، تا دهم اپریل پاکستان را ترک نکنند، به‌زور اخراج خواهند شد.
حکومت پاکستان اعلام کرده که تا پایان سال میلادی جاری حدود سه میلیون مهاجر افغان را از خاک خود اخراج خواهد کرد.