وزارت امور مهاجرین و عودت کنندگان حکومت طالبان میگوید که تاجیکستان به تازگی روند اخراج اجباری مهاجرین افغان را شدت بخشیده است.
این وزارت شنبه ۱۰ جوزا، با نشر اعلامیهای در ویب سایت رسمی خود گفت که تاجیکستان تنها در تاریخ ۷ و ۸ جوزا نزدیک به ۵۰ مهاجر افغان را از طریق بندر شیرخان ولایت کندز اخراج کرد.
در اعلامیه آمده است که در جمع این افراد ۳۶ تن آنها دارنده شناسنامه اقامت تاجیکستان و ۱۲ تن دیگر دارنده پاسپورت و ویزه قانونی آن کشور اند.
این وزارت میگوید که دلیل اخراج اجباری این مهاجرین افغان هنوز روشن نیست.
براساس آمار سازمان ملل متحد که در اواخر ۲۰۲۳ نشر شده، شمار مهاجرین و پناهجویان افغان در تاجیکستان به حدود ۱۰ هزار نفر می رسید.