با پایان مهلت اقامت مهاجران افغان در پاکستان در روز دوشنبه(اول سپتمبر) پولیس این کشور دستگیری و اخراج مهاجران افغان را تشدید بخشیده است.
پولیس پاکستان روزچهارشنبه(3 سپتمبر) گفت علاوه بر افغان هایی که کارت ثبت نام پی او آر (POR) دارند، حدود ۸۰۰ هزار افغان دیگر دارای کارت"تابعیت افغانستان" نیز به طور"غیرقانونی" در پاکستان زندگی می‌کنند و باید اخراج شوند.
براساس گزارش‌ها، تیم‌های پولیس پاکستان برای جستجوی اتباع افغان در مناطق مختلف این کشور تشکیل شده و عملیات دستگیری افغان ها را آغاز کرده‌اند.
با وصف هشدارها و درخواست‌های مکرر سازمان‌های بین‌المللی برای توقف روند اخراج مهاجران افغان، پاکستان طبق تعهد قبلی خود، پروسۀ اخراج حدود ۱.۴ میلیون افغان دارای کارت هایی شناسایی را ادامه داده است.