در درگیری شورشیان و نیروهای تاجیکستان در مرز این کشور با افغانستان در ۲۴ دسمبر دستکم ۲ افسر تاجیکستان کشته شدند.
نیروهای سرحدی کمیته دولتی امنیت ملی تاجیکستان امروز ۲۵ دسمبر، در یک اعلامیهٔ رسمی این رویداد را تایید کردند.
در بیانیه، مهاجمان «سه عضو یک گروه تروریستی» معرفی شدهاند، هرچند نام هیچ سازمان مشخصی ذکر نشده است.
به گفتهٔ مقامهای تاجیکستان، هر سه مهاجم کشته شدهاند.
در این اعلامیه، نیروهای سرحدی حکومت طالبان را متهم کردهاند که به تعهدات و مکلفیتهای بینالمللی خود برای تامین ثبات و امنیت در امتداد مرز تاجیکستان و افغانستان و مبارزه با گروههای افراطی عمل نکرده است.
حکومت طالبان تا کنون در این مورد تبصره نکرده است.